捷球网-足球比分_篮球比分_即时比分直播_足球视频移动版

朝阿甲盃B組尾輪，沙米恩圖主場硬撼葛度爾古斯。葛度爾古斯雖然已肯定闖入淘汰賽，但狀態大勇，近5場贏4次信心爆棚，今場可搵沙米恩圖磨刀，讓平、半照捧上盤。（無綫myTV聽SUPER周二早上6時直播）

阿甲盃將28隊分為A、B組打單循環，每組頭4名會殺入淘汰賽，冠軍會取得直入下屆自由盃分組賽入場券。葛度爾古斯喺B組以21分位居榜首，甩開第5位學生隊5分，已提早取得參加淘汰賽資格，雖然今仗只屬例行公事，不過葛度爾古斯從開頭頻頻和波，去到近5仗取得4勝1負殺上1哥位，唔講得笑，而且4場贏波都保持清白之身，個勢咁好毋須勒住勒住。

沙米恩圖攻力不足
至於沙米恩圖喺B組踢咗12場，只得3勝6和3負，位處中游，平穩有餘但入得8粒，攻力疲弱，想爭出線除咗要自己爭氣贏波，仲要望喺積分榜對上幾隊齊齊失分，先有機會趕上尾班車，不過以佢哋近4次主場不勝僅入1粒嘅狀態，想擊敗葛度爾古斯機會渺茫，焗攻隨時益晒葛度爾古斯，上盤值得捧場。