捷球网-足球比分_篮球比分_即时比分直播_足球视频移动版

女子澳職2024年最後一仗，「1姐」墨爾本城女足作客中岸水手女足，力爭將連勝走勢橫跨2025年。「墨女」係今季唯一不敗之師，近期愈戰愈勇連贏4場，實力、狀態都高人一等，今場作客要贏防守不穩嘅中岸水手女足冇難度，直取客勝。（HOY TV 76台周二下午1時15分直播）文:工廠仔

攻擊點多防不勝防
墨爾本城女足實力非凡，今季繼續展現王者霸氣，上仗反勝威靈頓鳳凰女足後，喺聯賽已經4連勝，而且佢哋踢法整體兼夠機動性，今季8場聯賽有9個唔同球員入到波，當中6人入多過1球，攻擊點分布甚廣，對手根本防不勝防。

中岸水手女足志切打入前6名，上場絕殺珀斯光輝女足終止2連敗，但問題係佢哋防守能力偏弱，今季只有兩場聯賽可以保持不失，最慘係中堅主力艾舒莉艾雲上仗因傷離場，今場復出機會唔大，進一步削弱球隊防守力，要抵擋墨爾本城女足進襲難上加難，客勝值博。