捷球网-足球比分_篮球比分_即时比分直播_足球视频移动版

今晚英超快車焦點戰，賓福特主場硬撼曼城。「蜜蜂仔」今季雖然成績一般，但主場威力唔講得笑，曼城作客亦唔敢輕舉妄動，加上近年碰頭好旺半場和，不妨追多鋪。（Now 622周三凌晨3時30分直播）文:路西法

賓福特狀態明顯跌Watt，各項賽事近7場只得1勝1和5負，包括日前英足盃第3圈遭英冠包尾大幡普利茅夫踢出局，認真肉酸，當然嗰場收起多名主力，不能作準，擺明留力打今場。事實上，賓福特主場出擊特醒，今季10場聯賽主場，取得7勝1和2負，兩場敗仗係輸畀前列分子森林同阿仙奴，雖敗不辱，佢哋主場踢法極具侵略性，麥比奧莫領銜嘅鋒線攻擊力強，怯於佢哋嘅快速反擊，作客球隊都唔敢谷得咁前。

藍月作客唔敢亂攻
另邊廂，曼城總算走出早前低潮期，各項賽事連贏3場，狂入14粒兼僅失1球，不過要留意番，對手只係李斯特城、韋斯咸同英乙仔沙福特城，不能過早認定佢哋重返巔峰。而且曼城都對賓福特有所忌憚，雙方近5次正面交鋒，「藍月亮」只得3勝2負，唔好講話輸嗰兩場，就算贏嗰3場，其中2次都係煲魚生粥僅僅熟，可見全盛時期嘅曼城，對住「蜜蜂仔」都贏得幾辛苦，更何況係依家作客，而呢5次對賽，有4次半場打和，睇得出大家初段都係小心為上，博半場和更划算。