今晚亞冠盃C組首輪賽事，沙特豪門伊蒂哈德主場鬥AGMK足球會。伊蒂哈德貴為上季沙特聯冠軍，今夏瘋狂增兵，引入賓施馬及尼高路簡迪等球星，對住烏茲別克新貴AGMK足球會，實力贏成條街，讓球主客和讓兩球放心照捧。（HOY聽TV聽76台周二凌晨零時直播）

伊蒂哈德陣容星光熠熠，坐擁賓施馬、尼高路簡迪及法賓奴等球星，令本身已經係冠軍級嘅陣容更上一層樓，今季開咧亦延續上季勇態，聯賽頭6戰拎到5勝，「金球獎」得主賓施馬近4場狂轟3粒，展現超班實力，嚟到亞冠舞台，相信亦會大開殺戒。

AGMK足球會實力經驗俱遜
作客嘅AGMK足球會係烏茲別克新勢力，佢哋憑住上季聯賽第4名亮相亞冠，實力及經驗係國內已經唔算頂尖，之前喺亞冠外圍賽面對阿曼球隊，都係僅勝躋身分組賽，作客實力強橫伊蒂哈德，難望有奇迹出現，讓球主勝屬信心之選。