非國盃F組最後一輪，贊比亞對摩洛哥。F組形勢緊湊，贊比亞要搶分爭出線，將全力搏殺，摩洛哥4分在手出線在望，佢哋踢法進取，今場預計係鬥攻格局，隨時上演入球騷，加上近4次交手3次半場開2球或以上，1.5球半場大要吼實。（now 639周四凌晨4時直播）

贊比亞焗攻求出線
贊比亞頭兩場都打和，現時累積2分，同剛果民主共和國同分，由於剛果民主共和國今輪對小組實力最弱嘅坦桑尼亞，搶分機會甚高，贊比亞為爭出線，就算對手係爭標分子摩洛哥都唔可以退縮，要積極搶攻。該隊領軍人物達卡於上場末段入波，預計今場繼續靠佢數胡，而且佢哋經常上半場就駁火，近5場4次半場開2球或以上，相信今場都唔例外。

摩洛哥前年世盃打入4強，奠定非洲一線球隊地位，今次賽事強陣出擊，阿舒拉夫、薛耶治、蘇夫恩岩拉伯特等主力悉數在陣，目標直指冠軍，首場即以3比0大炒坦桑尼亞，上場1比1賽和剛果民主共和國後幾近出線，不過F組次名16強要對埃及，因此摩洛哥都唔可以過早鬆懈，將力爭首名出線，遇上背城借一嘅贊比亞，入球唔會少，半場大有計。