今星期利迷嘅震撼彈相信就係高普爸爸教埋今季就會離隊，相信絕大部分利迷（包括我）目前情緒仍然未能平復。

對利迷而言，每場高普帶領嘅利物浦賽事都係減數，踢一場就少一場，希望大家一起珍惜最後嘅時光。

紅軍今晚喺足總盃主場迎戰諾域治，雙方過去14次交手，利物浦取12勝2和保持不敗。相信紅軍戰將為送別高普，都會全力踢好每一秒比賽。但考慮到紅軍今季經常因求勝心切而未能踢出賽前部署，因此小妹大膽推測諾域治有機會破蛋。波膽除咗敲3:0外，亦補番一注3:1作對碰。Ling Ling