王牌射手受傷冇攻開

女子世盃B組次輪賽事，東道主澳洲女足迎戰尼日利亞女足。「女袋鼠」首仗雖然贏波，但表現全無勁旅本色，球員喺主場出戰背負沉重壓力，表現拘謹，最終只係靠一個12碼小勝愛爾蘭女足。今仗面對韌力十足嘅尼日利亞女足，預料又係苦戰，捧2.5球入球細最好。

（Now聽630周四晚上6時直播）

澳洲女足王牌前鋒森卡爾喺首仗賽前練習受傷，呢位隊史神射手今仗會繼續缺陣，對澳洲女足進攻能力影響極大，喺英超效力嘅雙箭頭卡特琳芙特同瑪莉科娜仍未夠能力擔大旗，澳洲女足數胡能力令人懷疑，事實上，佢哋從來都唔係以進攻能力見稱，近4仗總入球全開2球或以下，冇埋森卡爾想入波都難。

尼日利亞死守頂得住

尼日利亞女足決賽周前雖然唔被睇好，但係首仗就有驚喜，屯重兵死守下0比0悶和加拿大女足，可見球隊防守夠韌力，就算迪波拉艾碧奧登停賽，但亦有艾積芭迪同艾燕迪波監期滿復出，實力有增無減，面對缺少主力前鋒嘅澳洲女足，開2.5球入球細機會高。