朝焦點熱身賽，AC米蘭喺美國火併巴塞隆拿。兩隊近期熱身賽都多波入，可謂大盤客恩物，今仗入球唔慌少，加上雙方近4次交手，3次半場開2球或以上，1.5球嘅半場大屬信心之選。（HOY聽TV聽77台周三早上11時直播）

熱身賽同樣開放

巴塞上仗熱身賽「國家打吡」大炒宿敵皇家馬德里3比0，士氣梗係高昂，不過防守唔係想像中咁好，只因皇馬多次中楣中柱，巴塞先可以保持不失，連同前仗對阿仙奴輸3比5，連續兩仗演入球騷，估計主帥沙維今場會繼續堅持開放足球，火力全開同對手鬥攻。

Ａ米今次美國之旅頭兩站錄得1和1負，包括首仗對皇馬，喺領先兩粒下倒輸2比3，上仗對祖雲達斯亦踢成2比2，之後互射12碼敗陣，兩場同樣大手交易。前鋒拉菲爾利亞奧仲未開齋，新加盟嘅基斯甸普列錫亦要爭取表現，對住巴塞入波肯定唔會少，既然兩隊以往交鋒旺半場大，不妨再追。