今晚英超另一場重頭戲，白禮頓主場硬撼紐卡素。白禮頓開季依然踢進攻足球，不過佢哋後防略嫌單薄，上仗不敵韋斯咸被打窒道氣；紐卡素連續兩場Big聽7對碰敗陣，谷埋一肚火，想爭取佳績不容再失，勢必谷盡搶Ｗ，加上近4次對賽錄3勝1和佳績，客勝可捧。（Now聽621及611周日凌晨零時30分直播）

白禮頓踢法欠成熟

白禮頓開季連勝炒盧頓同狼隊，風頭甚勁，但上仗面對韋斯咸即輸1比3，可見球隊踢法有欠成熟，就算剛剛借得安素法迪，都未必咁快幫到手。

紐卡素接連不敵兩大勁旅曼城同利物浦，吸取教訓後必定唔敢再大意，係時候反彈。