周一凌晨意甲大戰，阿特蘭大主場迎戰祖雲達斯，阿特蘭大近況甚佳，所有賽事3連勝，今迎戰「斑馬軍團」可望延續強勢，祖記門將施捷斯尼有「派膠」前科，唔係太穩陣，加上雙方近年交手阿特蘭大多數先開紀錄，主隊「第一隊入球」有計。（Now 638周一凌晨零時直播）

3連勝兼零失波
阿特蘭大今夏高價出售前鋒海倫到曼聯，中堅美列迪美羅亦轉赴沙特發展，收到大筆資金，但並未影響球隊表現，教練加斯柏連尼領導有方，新簽射手施卡馬卡迅速融合，同拍擋盧卡文均在聯賽開齋，荷蘭雙中場古普美拿斯同迪魯恩更是進攻泉源，頻頻送出助攻，球隊近期在聯賽及歐霸盃雙線作戰錄得3連勝，而且3仗入5球無失球，今仗火併祖記值得睇高一線。

祖記今季冇料到，前仗作客薩斯索羅，就有門將施捷斯尼3次犯錯，累球隊輸2比4，上仗小勝萊切1比0亦充滿爭議，更被評只能靠「黑哨」贏波，今仗祖記對住態勇嘅阿特蘭大肯定捱打，先失波機會仍然較高。