亞冠盃H組賽事，泰國代表武里南聯主場鬥澳洲嘅墨爾本城。亞冠盃係墨爾本城重要目標，上屆僅僅出唔到線踢淘汰賽，今屆捲土重來決心十足，佢哋作客踢法一樣搶韁，今場可以博墨爾本城「第一隊入球」。（周三晚6時開賽）

武里南聯實力差一截
武里南聯目前喺國內聯賽僅排第4，近況唔算好，今次係佢哋相隔4年再踢亞冠分組賽，實力同列強有距離，上輪0比1輸畀甲府風林，喺小組1勝1負，出線形勢處於下風，今仗主場不容有失，踢法相信會比較進取。

澳職啱啱開咧，雖然墨爾本城喺首戰就以1比2不敵西部聯，不過佢哋過往踢亞冠盃成績唔差，包括今屆首場分組賽作客贏FC浙江在內，過去8仗都保持不敗，而且經常喺比賽早段搶攻爭取先機，近4仗亞冠盃作客賽事，全部都能夠先開紀錄，今場撐墨爾本城先開紀錄。