英聯盃第4圈仲有場英超內訌，般尼茅夫喺主場迎戰利物浦。紅軍對英聯盃不嬲唔太上心，經常收起主力，畀副選同新人上陣拎嚟練兵，夾得少默契麻麻，難免會比較慢熱，1.5球嘅半場細更可取。（周四凌晨3時45分開賽）

利物浦主帥高普一向對英聯盃興趣不大，經常會大輪換，派出大量副選或新人擔正，以上圈鬥李斯特城為例，王牌穆罕默德沙拿連後備都冇份，用咗基利靴、遠藤航、查洛爾昆沙、杜克等，而後備落場嘅亦包括有巴斯迪、盧克張伯倫等小將。

派二線兵冇默契入局慢
一嚟畀班主力抖抖，二嚟既然唔重視英聯盃，就畀班副選同新人有上陣機會，走得幾遠得幾遠，希望收到練兵效果，但由於班球員默契一般，初段總係入局慢，難怪近6仗英聯盃5次半場開1球或以下。

另邊廂，般茅日前護級大戰反勝勁敵般尼，取得寶貴3分，不過搏得好盡未回氣，加上護級大過天，今仗隨時收起主力唔慌會搏。睇番般茅近4仗英聯盃，半場全開1球或以下，都係比較慢熱，相信今仗初段會陷於膠着，半場細值得捧場。