阿仙奴於歐聯擊敗西維爾後重返英超，主場撲擊排尾二嘅般尼。阿仙奴喺主場踢法進取，今仗對住有首席射手科尼科士打缺陣嘅般尼，可以大勝一場，3.5球入球大及讓兩球嘅上盤可以雙投。

（Now聽622周六晚11時直播）
般尼自升班後，成績一直唔掂，近期連盃賽在內5連敗，後防集中力出現問題。加上首席射手科尼科士打缺陣，喺攻不銳、守不穩下，好難對阿仙奴造成威脅。

主場威力勁上盤博得過
另邊廂，「兵工廠」經歷一段小低潮，上場聯賽作客被紐卡素一個問題入球擊敗，英超不敗紀錄告終；不過球隊主場威力強勁，曾先後擊敗曼市雙雄再和熱刺。睇番阿仙奴近5次聯賽主場，4次開4球或以上，預料今場又會大炒般尼，入球大同上盤雙投，隨時一炮雙響。