U20世盃16強賽事，兩支小組次名出線嘅神奇球隊正面交鋒，烏茲別克U20大戰以色列U20，兩隊今屆都冇包袱咁踢進攻足球，決心極大，為爭入8強會喺比賽早段搶攻，有望開出1.5球半場大。（周三凌晨5聽時開賽）

烏茲別克U20今屆演出討好，首戰面對東道主阿根廷U20，一度喺早段入波領先，雖然最終反勝為敗，不過佢哋信心並冇受到打擊，上場出線生死戰對危地馬拉U20，亦喺頭20分鐘內連搶兩球贏波，可見佢哋開波搶攻踢法成效唔差。烏茲別克U20今屆3場分組賽，半場總入球全開2球或以上。

決賽周初哥必駁火
首次出席決賽周嘅以色列U20，喺分組賽表現亦出乎意料咁好，頭兩場都能夠先開紀錄，只可惜未能保住領先優勢而失分，上仗佢哋喺踢少1人下，反勝日本U20晉級。對以色列U20嚟講，首次參賽即殺入淘汰賽係超額完成，球員今場可以輕鬆上陣，唔介意同烏茲別克U20駁火，1.5球半場大值博。