除咗英足盃，喺低組別玩嘅英格蘭聯賽錦標都踢到16強，今晚就有英甲打比郡對乙組仔巴拉福特。打比郡係英甲爭升班分子，攻防實力亦屬英甲前列，對住巴拉福特要贏唔難，不過巴拉福特攻力唔差，預計今場會有大手交易，2.5球入球大抵玩。（周三凌晨3時開賽）

打比郡擁有英冠水平，前季受財困拖累，遭賽會罰扣21分先搞到降落英甲，佢哋上季喺甲組好快企穩陣腳，最終以第7名完成賽季。今季打比郡除咗爭取重返英冠，英錦標亦係主要戰場，佢哋近況甚佳，近5場4勝，當中4場開4球或以上，現時喺英冠排第4，落後榜首樸茨茅夫4分但少踢1場，可見佢哋喺呢個組別真係靠得住。就算喺英錦標分組賽，佢哋係以3戰全勝出線，阿士東維拉出身嘅老牌射手占士哥連斯喺英錦標累積攻入5球，屬賽事次席射手，今場有望繼續爭取士哥。

巴拉福特唔怕鬥攻
巴拉福特近4場未贏過，現時喺英乙排14位，升班無望下唯有全力爭英錦標，前鋒泰拿史密夫喺英錦標累積攻入6球，高踞賽事射手榜首位，今場隨時同打比郡鬥攻，入球騷可期。