亞冠盃16強次回合，艾納斯主場迎戰艾費哈，首回合艾納斯作客憑葡萄牙巨星C朗尾段一箭定江山，1比0小勝而回，有1球喺手唔使咁急，可以謀定後動，今場形勢佔優，只要唔失波就能夠晉級，加上雙方近5次交手全開半場和，半場和值得再追。（HOY聽TV聽77台周四凌晨2時直播）

兩隊都係沙特聯賽球隊，艾費哈現時排第13，與現居聯賽次席嘅艾納斯相比，實力同叫座力都有一定距離。現時艾納斯有領先優勢，上場作客都可以壓住艾費哈狂攻，返到主場更有把握。早前因傷未能喺深圳表演賽登場嘅C朗已傷愈，呢位2023年以54球成為單年入球王巨星，首回合末段攻入1球，2024年順利開齋，亦係佢球會生涯第1,000場賽事，並創下連續23年都取得入球紀錄，今場將會繼續爭取「士哥」。

艾費哈死守玩突擊
至於艾費哈方面，球隊實力明顯不如艾納斯，加上今場落後1球，兼作客情況下，要收復失地將會更加困難，因此佢哋更加唔可以急進，最佳策略係先做好防守方面，尤其係阻止C朗埋門，再等待反擊機會來臨，開半場和機會更高。