周六英超有場強弱懸殊之戰，曼城主場迎戰盧頓。曼城今輪比阿仙奴同利物浦早一日比賽，贏波可以升做「1哥」，爭勝唔會手軟。不過盧頓要護級搶分，同曼城鬥攻只會死得更快，預計會加強防守。加上「藍月亮」鍾意歎慢板，近6場聯賽主場5次半場開1球或以下，追1.5球半場細。（Now聽621周六晚10時直播）

下場鬥皇馬勢輪換
曼城雖然現時排第3，但仍然被捧成英超奪冠大熱門，皆因球隊賽程相比阿仙奴同利物浦較易應付，壓力將喺兩支競爭對手身上，等佢哋失分。消息指今場有正選門將艾達臣摩拉斯復出，不過嚟緊下場要再鬥皇馬，今場好大機會作出輪換，中場改用謝利美杜古同歷高利維斯，今場未必咁快入到波。

盧頓現時排尾3，雖然處於降班區，但護級仲未絕望，今場面對實力強勁嘅曼城，必定以1分為目標，相信唔會自殺式鬥攻，而會大踢防守足球，特別係上半場好氣好力，料可力守城池保不失。